Gabi na ng magpasyang umuwi si Jayson. Tiniyak niya munang nakakain ito at nakainom din si Leslie ng gamot bago siya umuwi. Dumating na rin si Angel kaya hindi na siya nag-aalala para dito. Sinabihan din niya itong magpacheck up na, pumayag naman ito. Sinabi pa na samahan siya nito sa isang araw. Masaya naman siya dahil sa desisyon nito, sa wakas pumayag na rin itong magpacheck up. Natatakot na kasi siya sa kung ano talaga ang sakit nito, mahigit isang linggo na itong may lagnat. Sobrang laki na nga ang ipinayat nito. Paulit-ulit naman niya itong sinasabihan na sasamahan na magpacheck up pero ayaw nito. Mabuti na lang nga ito na mismo ang nagkusa na ayain siya sa ospital para magpacheck up. Naaawa na kasi siya para dito, kapag nakikita niya ang paghihirap nito nais niyang akuin ang sakit n
