Habang nasa opisina niya at nakaupo sa kanyang swivel chair ay napangiti si Bop nang maramdaman ang tatlong taps ng binata. Sinagot niya rin iyon. Napakagat siya ng labi nang nag-tap three times na naman ito pagkatapos ng mga sampung minuto.
‘Ano ba ang lalaking ‘to? Naglalaro lang yata!’ natatawang aniya sa loob-loob. ‘Ang kulit, ah! Alam ko namang may meeting siya ngayon.’
Ilang araw rin siyang laging kinukulit nito ng isa o tatlong taps. Paminsan-minsan ay dalawang taps ang ginagawa nito at napapatawa na lang siya. Minsan ay pinatulan niya. Bigla ba naman itong tumawag sa phone niya at nasa mall pa siya dahil may binili siyang pasalubong para sa binata para sa pagbisita niya. Simpleng cufflinks at stainless steel vacuum insulated mug ang naisip niyang iregalo sa binata. At least hind
