Bakit ko nga ba iyon ginawa? Dapat hindi nalang. Baka sa ginawa ko ay namulat si Moses at nahimasmasan na hindi naman kami magka ano ano. Na isang babaeng madaling matukso lamang ako sa kanyang mga halik at hindi na dapat pa pahalagahan.
Dumating rin agad si lola ng makaalis si Moses at nagulat siya sa mga pinamili ko. Ngumiti ako kay lola.
"Apo! Ang dami naman nito! Saan mo ito kinuha? Teka... May pera ka ba?" hindi magkamayaw si lola sa kakatanong sakin at isa isang binuksan ang mga pinamili ko.
"Apo! Meseeyah! Saan ito galing? Maryosep!"
Lumapit ako sa kanya at niyakap siya sa likod. "Lola...huwag po kayong magalit ha? M-May nagbigay po kasi sakin niyan. Gusto niya pong tanggapin ko kaya hindi na ako nakahindi."
Suminghap si lola at ramdam ko ang pagsuko niya. "Iyon ba yung' la
