Nagsisiyahan ang lahat. Kahit na umalis na sila ma'am Susana at si sir George ay nagbibigay ng pagkain sa mga kaklase ko.
"Magandang kaarawan ulit Meseeyah." sabi ni Carolina; ang aking kaklase na hindi ko man close ngunit masasabi ko na mabait. Masasabi ko na hindi kami close dahil tahimik siya sa school at ngayong kaarawan ko lang siya narinig na nagsalita at ngumiti sakin.
"Maraming salamat Carolina."
"Bagay sayo ang bulaklak. Para kang diwata." aniya. Ngumuso ako at kinilig dahil kahit papaano ay may kumausap sakin ng matino.
"Bigay ito ni lola sa akin. Eto' ang regalo niya ngayong kaarawan ko. Espesyal ito kaya hindi ko tinatanggal."
Tumango siya. "Maganda. Si nanay naman ng nag dyesi otso ako ang regalo sakin ay bibe. Malaki na iyon ngayon."
"Talaga? Ano pangalan ng bibe
