Chapter 34
“Apo! Sakto ang dating ninyo,” nakangiting bati ng lola ni Dom sa kanya.
Tumingin naman ito sa akin. Mariin siyang ngumiti at pinanlakihan ako ng mga mata. Sa ekspresyon ng kanyang mukha, parang mayroon siyang ipinapahiwatig. Tinapat niya ang daliri sa kanyang labi at suminenyas na ngumiti ako. Agad ko naman siyang sinunod nang makuha ang tinutukoy niya.
Isa-isang nilapitan ni Dom ang mga taong nakaupo. Nakipagkamay siya at bumeso sa mga ito.
“Meet Con, My girl—” Tumingin siya sa akin. “My girl,” nakangiting sambit niya.
Nagtangka akong makipagkamay rin sa isa niyang kapamilya na nakaupo pero tiningnan lang ito pagkatapos ay pekeng ngumiti.
Agad kong binaba ang kamay ko.
Huminga na lang ako ng malalim at nginitian pa rin sila. Parang gusto ko nang magpalamon sa lupa nga
