ALAS KUWATRO ng hapon nang bumalik sina Kirst at Nastya sa Yadoya mula sa Mishi River. Maghapon lang sila roong tumambay at ninamnam ang ganda at katahimikan ng buong lugar. Making good memories. Gustuhin man niyang maligo sa ilog ay hindi maaari. May kalakasan din kasi ang agos ng tubig sa ilog kaya hindi na sila nangahas pa. Kahit si Kirst.
Sa may lobby ng Yadoya ay nakasalubong pa nila roon si Ehlae Ken. Agad ang pagsilay ng ngiti sa labi nito nang makita sila.
“Parang ang aga niyo yatang umalis sa Mishi River? May sikat pa ang araw,” biro pa ni Ehlae Ken.
“Paano mo nalaman na nasa Mishi River kami?” tanong ni Kirst sa pinsan nito.
Kinuha ni Ehlae Ken ang cellphone nito at ipinakita ang live video ni Kirst kanina. Mukhang nag-trending iyon dahil ang laki na agad ng views. “Kita nama
