MAKITA pa lang ni Nastya ang labas ng simbahan na siyang pagdarausan ng pag-iisang dibdib nila ni Kirst ay nag-iinit na ang bawat sulok ng kaniyang mga mata. Ito iyong araw na pinakahihintay nila ni Kirst. Sa wakas ay mangyayari na rin.
Napakarami nilang pinagdaanan. Hindi lang sa nakalipas na limang taon simula nang magkahiwalay sila, ngunit sa twenty-three years na dumaan sa buhay nila. Napakaraming nangyari.
Huminga siya nang malalim para lang kalmahin ang kaniyang puso. Nang ihinto ng driver ang kinasasakyan niyang bridal car sa harap ng simbahan, sa tapat ng kinaroroonan ng main entrance na nakasara ang pinto, ay mataman niyang pinagmasdan ang labas ng mismong simbahan. Namumutiktik iyon sa kulay puti at pulang bulaklak. Bihis na bihis maski ang labas niyon.
Naka-high alert din ang
