GANOON na lang ang pagkasurpresa nina Kirst at Nastya nang isang hapon ay may maging bisita sila sa kanilang bahay sa Santa Anastasia. Walang iba kundi ang ilan sa mga UHB Men at isa na roon ang pinsan ni Kirst na si Ehlae Ken. Kasama pa nito ang anak nito na si Enzo na ngayon ay kala-kalaro ng mga kambal sa playroom ng mga ito. Doon din balak magpalipas ng gabi ng mga ito. Bukas pa balak magsipag-uwian.
“Buti pinayagan ka ng asawa mo,” nakangiti pang wika ni Nastya kay Ehlae Ken.
“Alam naman niya na kating-kati na rin akong makita itong lugar ninyo. At isa pa, gusto ko rin na personal na makita si Kirst. After ng mga nangyari nitong nakaraan sa kaniya at sa inyo. Gusto rin nina Tito Manuel at Tita Feli na masiguro na okay naman si Kirst.”
“He’s fine,” assurance niya rito.
“Hindi naman
