MATAPOS ng masayang pakikipaglaro ni Kirst sa mga anak nila kanina bago matulog ang mga bata, hayon ito at malayo na naman ang nararating ng isip habang nakatanaw sa madilim na kawalan. Nasa may terrace ito ng kaniyang silid nang mga sandaling iyon.
Nilapitan niya ang nobyo at tumayo sa tabi nito.
“Ano’ng iniisip mo ngayon, daddy?” untag pa niya rito.
Huminga ito nang malalim. “Iniisip ko si Mang Tunying at ang pamilya na naiwan niya.”
“Nasabi mo na ba kina Papa Manuel na nahuli na ang nasa likod ng ambush, pati ang mga taong nang-ambush?”
Tumango si Kirst. “Nakausap ko na sila kanina. Nakahinga na rin sila nang maluwag dahil nahuli agad ang may sala. Pati ang pamilya ni Mang Tunying.”
Siguradong magkakaroon na rin ng peace of mind ang pamilyang naiwan ni Mang Tunying. Huminga siya n
