MATAPOS makausap ni Kirst si Nastya sa FaceTime, na nagpaalam na matutulog na, ay saka naman niya itinuloy ang balak na pagpunta sa walk-in closet niya.
Dadagdagan lang niya ang dadalhin niyang kasuotan pagpunta niya bukas sa Santa Anastasia. Kakaunti lang kasi ang nailagay niya sa kaniyang maleta noong nasa Cebu siya. Kaya pakiramdam niya ay kulang ang dala niya. Idagdag pa na labahin na rin ang ilan sa dala niyang mga damit.
Kapag umuuwi siya sa bahay ng kaniyang mga magulang, hindi na siya nagdadala ng mga damit dahil marami rin siya roon. Kaya madalas ay sarili lang niya ang dala niya.
Matapos makakuha ng ilan pang kasuotan ay dinala niya iyon papunta sa kama niya at doon ay inilapag. Muli siyang bumalik sa walk-in closet. Sapatos naman ang kinuha niya.
Palabas na sana siya sa kani
