PAGBABA ni Kirst sa private chopper ng UHB Leisure Club ay hindi na rin nagtagal pa ang kaniyang kinasasakyan at muli ring lumipad paitaas. Pabalik na uli iyon sa Pagbilao City. Saka lang niya nagawang i-off ang airplane mode ng kaniyang cellphone. Kumunot pa ang noo niya nang napakaraming text messages ang pumasok sa kaniyang inbox.
Hindi nga nagtagal ay siyang tunog pa ng kaniyang cellphone. Tumatawag si Primo.
“Hello?” agad niyang sagot.
“Oh, thank you, Lord,” animo nakahinga nang maluwag na wika ni Primo sa kabilang linya. “Nasaan ka?”
“Kakarating lang dito sa inyo. Narito ako sa malawak na parang sa lupain ninyo. Tanaw dito ang mansiyon ninyo. Dito nag-landing ang kinasasakyan kong chopper.”
“Ibig sabihin hindi ikaw ang sakay ng kotse mo papunta rito?”
Umiling siya kahit na hind
