MATAPOS kumain si Nastya ng hapunan niya ay nagpasama muna siya kay Kirst sa may terrace. Ayaw pa niyang matulog. Natatakot siya na baka bumalik ang masamang panaginip niya.
"Baka inaantok ka na, daddy?" untag niya habang magkatabi silang nakaupo sa may upuan sa terrace. May bubong naman sa tapat nang kinauupuan nila kaya hindi siya mahahamugan. Nakasandig din siya sa may dibdib nito habang si Kirst ay nakapulupot ang mga bisig sa katawan niya.
"Hindi pa ako inaantok," sagot nito na muling tumanaw sa malayo na balot nang kadiliman. Mayamaya ay hinaplos-haplos nito ang kaniyang tiyan. "Don't stress yourself, mommy. Ma-i-stress din si baby." Bumaba ang mukha ni Kirst at ginawaran pa siya nang banayad na halik sa balikat niya.
"Daddy, ngayong kasama na kita rito, hindi na ako ma-i-stress.
