“MOMMY, maupo ka rito sa tabi ko,” tawag pa ni Kirst kay Nastya.
Katabi ni Kirst sa kanan nito si Kirstian, habang sina Christine at Kirslynn naman ay nakaupo sa tigkabilang hita ni Kirst. Nang mga sandaling iyon ay nasa may entertainment room sila. Nag-aya kasing manood ng movie ang mga bata kasama ang ama ng mga ito.
Binilisan ni Nastya ang paglalakad palapit sa mga ito. Pumunta kasi siya sa kusina saglit para magbilin sa kusinera ng meryenda na dadalhin sa entertainment room kung saan sila naroon.
“Bakit hindi pa kayo nagsisimulang manood?” taka pa niyang tanong nang maupo siya sa tabi ni Kirst. Kanina nang lumabas siya ay naghahanap na nang magandang panoorin ang mga ito. Tapos ngayon ay nakapatay na ang malaking flat screen TV.
“May ikukuwento raw po muna si daddy sa amin,” ani Ki
