SAMANTALA patuloy naman ang habulan ni Jester at John. Ganoon rin si Divlen. Ingat na ingat siya na pumasok sa bahay dahil ba ka may patibong ito. Binuksan niya ang mga kuwarto ngunit wala siyang nakitang tao.
Pangbungad niya sa likurang bahagi ay nakita niya ang mag-asawa na mabilis tumakbo patungo sa dagat kung saan nakaparada ang bangkang de motor. Mabilis siyang tumalon sa bintana at hinabol niya ang dalawa.
"Tigil!" sigaw ni Divlen.
Subalit hindi siya pinakinggan ng mag-asawa at patuloy pa rin ang mga ito sa pagtakbo. Kaya binaril niya si Roman at natamaan ang isang paa nito, at nasubsob ito sa buhangin. Nabitiwan ang bitbit niyang bag na may laman ang mga pera at pilit siyang pinatayo ng asawa at nagmamadaling pinulot ang bag. Ngunit sa paglingon ni Rita ay nasa harapan na niya s
