AGAD hinawakan ni Jester ang kulay pula na wire at agad niya itong pinutol, kasabay ng kanyang pagpikit. Sapagkat wala siyang kasiguraduhan sa ginawa niya.
"LORD, save my son," pipi niyang dasal.
Bigla niyang niyakap ang anak na hindi pa rin iminulat ang kanyang mga mata. Dahil para sa kanya, kung sasabog man ang bomba ay magkasama sila ng kanyang anak.
Ganoon rin si Tom, bigla itong yumakap sa kanyang mag-ina, sapagkat nararamdaman niya ang ginagawa ni Jester. Ang bawat mata nila ay parehong hilam sa mga luha. Gustuhin pa ni Tom na sabay silang tatlo sasabog kay sa mabuhay siyang nag-iisa.
Sa mga sandaling iyon ang naiwan na lang sa paligid ay sina General, SPO2. Herrera.
Ang lahat na nasa paligid ay pinapaalis na ni Inspector Navarro. Dahil ayaw niyang madamay pa ang mga ito.
