Candy's POV
NANGhihina ang katawan kong ipinasok sa aking shoulder bag ang aking cellphone. Pagkatapos ng pag-uusap namin ni Ms. Aliana ay biglang nanghina ang katawan ko.
Paano nga kung totoo ang sinabi niya? Paano nga kung nandoon nga si Kyle sa birthday party ni Karen. Kung ganoon, hinintay niya lang akong umuwi bago siya pumunta. Ano ang dahilan niya?
Kung ganoon may tinatago ka sakin, Kyle?
Nagdadalawang isip akong umuwi. Pero dahil sa pagdadalawang isip ko naalala kong tawagan na lang si Kyle.
Kinuha ko na lang ulit ang cellphone ko para tawagan ang asawa ko.
Ilang beses nag -ring ang kaniyang phone ngunit hindi ito sinasagot. Hindi ko pa rin ito tinigilan hanggang sa sagutin niya ang tawag ko.
"Candy..." sagot niya sa kabilang linya. Wala akong naririnig na ingay kaya s
