BUMUWELO nang tayo si Rafael. Walang abiso na hinila nito ang kamay ni Charie para siya’y mapatayo. Kung puwede lang siyang maglaho ay matagal na niyang ginawa. Hindi niya kayang tingnan ang reaksiyon ng mga mukha ng dalawang lalaki habang nakatingin sa kanila.
“Pasensiya na kayo guys. Hindi na kami umabot sa kuwarto,” gatong pa ni Rafael, na lalong nagpainit sa mukha ni Charie.
Sa inis niya’y pasimpleng dinakot niya ang balat ni Rafael sa tagiliran. Hindi kurot dahil hindi kayang kurutin ang balat nito dahil sa hitik na muscle.
“Aw!” daing nito sabay tingin nang masama sa kanya. Napapa-angat ito sabay tapik sa kamay niya.
“Ayan, binitin mo kasi,” seryosong sabi ni Dylan.
“Hindi naman kasi magaling magromasa ‘yang si Rafael. Puro lang ‘yan patalastas,” gatong ni Symon.
“Oo nga pala,”
