LUBHANG matatagalan sa pagbalik si Sere kasama si Aul kung maglalakad lamang sila patungo sa kuwadra ng mga kabayo. Napakalaki ng buong bukid upang kanilang lakarin, dadatnan sila ng dilim kung maglalakad sila kaya naman sa sumakay na sila ng isang sasakyan pambukid upang bumalik sa rancho. Nang makabalik sa kuwadra ay wala na ang kaniyang mga kaibigan, ayon sa mga tauhang naroon ay nagsimula nang mangabayo ang mga ito. Nilapitan niya si Aul na nakatayo sa tapat ng isang puting kabayo. Nakangiti ito habang titig na titig sa kabayo.
“Do you like her? She is Dwayne, my dad's gift. She's too small back then and now she turns bigger than me.” Ngumiti siya at hinaplos ang uluhan ng puting kabayo. Puting-puti ito at walang babakas na itim sa mga balahibo nito. Makinang din ang naturang balahib
