SUMAPIT ang kaarawan ni Mia at sa resort iyon ginanap. At dahil nagtagumpay ito na pigilan sa pag-alis si Summer kaya tumulong na lamang siya sa pag-aasikaso kahit pa nga may catering naman. Wala naman ibang imbitado maliban sa malalapit na kamag-anak at kaibigan ng mga ito, ang pamilya, ni Summer, ang mga katiwala at mga empleyado sa resort.
Kahit hindi siya pinapansin nina Monique at Mark Anthony, umaga pa lang ay nasa resort na si Summer para tumulong. Tiniis na lamang niya ang sakit habang nakikita niya sina Rhaine at dating nobyo na sweet na sweet sa isa’t isa. Hindi rin naman niya kasi kaya na habang buhay magagalit sa kaniya si Mia kapag binigo niya ito sa hinihiling. Ikinatuwa rin nina Tita Aurora at Lola Margaret ang pananatili pa niya dahil gusto rin daw talaga ng mga ito na mak
