Lahat ng mga pagkaing nakahain sa mesa ay mga paborito niya ngunit wala siyang gana na kumain. Kahit na perfect ang pagkaluto ng lumpiang shanghai at pati na rin ang chopsuey, hindi niya kayang lunukin ang pagkaing ihinanda ni Margaret para sa kanilang pananghalian.
“Ayaw mo bang kumain?” Tinanong ni Margaret si Keith dahil kanina pa niya napansin na hindi pa tinikman ng lalaki ang mga niluto niya.
“Ano’ng plano mo?” Gumanti siya ng tanong sa babae dahil nang madatnan niya si Nicholas Demakis kanina ay muntik ng magdilim ang kanyang paningin. Kung hindi dahil sa bata ay baka nasuntok niya ang ex ni Margaret.
“Plano? Bakit kailangan ko ng plano?”
“Ano ba ang pinag-uusapan ninyo ng lalaking ‘yon? Sinabi niya bang kukunin ang bata? Hindi ako papayag Margaret! Pangalan ko ang nasa birth ce
