Pagod siya sa biyahe ngunit dumaan siya ng ICM upang ibili si Meghan ng manok sa KFC. Nakapila na siya sa counter upang umorder ng bucketmeal nang mahagip ng kanyang mga mata ang isang babae na nakaupo sa isang sulok. Sideview lang ang nakita niya ngunit parang pamilyar ito. Kumunot ang kanyang noo sa kakaisip kung saan sila nagkita ng babae. Gusto niya sanang lapitan ito at tanungin ngunit tinanong siya ng crew kung ano raw ang oorderin nya.
“Isang bucket meal ‘yong manok lahat,” sagot niya sa crew.
“Six, eight or twenty pieces?”
“Twenty and make it spicy. All spicy,” sabi niy sa crew.
Pagkatapos niyang bayaran ang kanyang inorder na bucket meal ay nagtungo kaagad siya sa claiming area ngunit ang kanyang mga mata ay nakatuon sa mag-inang kumakain. At dahil bihira lang ang mga customer
