NANG mga sumunod na araw ay naghanda na ang grupo nina Hedvig para sa paglusob nila sa Nimryy, ang kuta ng mga bampira na ayon kina Monica ay upgraded na rin.
"Kung dati sa probinsiya ng Finland ay isa lang iyong malaking kuweba, ngayon ay isa nang automated underground bar ang Nimryy," pagkukuwento ni Monica. "Gabi-gabi ay may dinadala sila roon na mga tao at kunwaring invited guest. Ginagawa nilang pagkain habang nagpa-party. Doon din nila dinadala ang bawat nabibihag nilang mga Werewolves at Witches. Kaya malakas ang kutob ko na naroon din ang kaluluwa ni Angela."
"Well-protected din ang buong area," paliwanag naman ni Aamon. "Bukod sa protection spell ng mga kakampi nilang Witches, katulad natin, may mga modern weapon na rin sila na gawa sa wolfsbane, iron at silver. Katulad ng mga g
