Nang matapos na sila mag-usap ay muli akong binalingan ni Sir Maurice at umupo sa aking harapan. Wala na ang galit sa kaniyang mukha na para bang nagsisisi siya sa kaniyang nagawa sa’kin.
“I’m sorry, kung wala ka sanang koneksyon kay Gascon at kung sana ay mas binigyan mo ‘ko ng pansin baka hindi tayo umabot sa ganito.” Kumunot ang noo ko dahil naguluhan ako sa kaniyang sinabi.
Ibig sabihin lang nito ay may pagtingin si Sir Maurice sa’kin. Pero paano? Bakit? Ang tanging naiisip ko lang ngayon ay alam kong pupunta rito si Gascon at hindi malabong mangyaring mapatay siya ni Sir Maurice.
May tiwala pa rin ako kay Gascon at hindi niya hahayaang mangyari ‘yon dahil isa siyang makapangyarihang tao at marami siyang tauhan. Natatakot pa rin ako dahil baka mapahamak siya at pati na rin si papa
