NAPASERYOSO na nga lang si Saber nang maramdaman niyang may isang biglaang lumitaw sa kanyang harapan. Nakakuyom na nga ang kamao nito at nababalot na rin ito ng napakakapal na tipak ng isang napakatigas na bato. Si Landro ito at makikita nga sa mukha nito ang gigil at ang kagustuhang makabawi sa kanya.
“Sa wakas! Nandito ka na rin bulag!” bulalas nito at sa pagsuntok niya rito ay siya ring pagkawala ng napakalakas na pwersa mula roon. Kaso, imbis na depensahan ito ni Saber ay makikita sa harapan ng bulag na binata sina Father Arnel at Wyze na seryosong pinigilan ang atakeng iyon ng isang Elder. Makikita sa dalawa ang pagliliwanag ng kanilang mga katawan at sa pamamagitan ng psychic ability ng dalagang may asul na mata ay buong lakas niyang itinigil ang pagkilos ni Landro upang mabigyan i
