ILANG beses pang nasundan ang paglabas-labas nina Zoe at Justin. Halos lahat ng trip nito ay pinakikisamahan niya. At masasabi ng dalaga na unti-unti na niyang nakukuha ang loob at tiwala nito.
"Bakit until now ay wala ka pa ring asawa o kahit girlfriend man lang?" kunwari ay interesado na tanong ni Zoe kay Justin. Kasalukuyan silang kumakain sa isang mamahaling restaurant na pinagdalhan nito sa kaniya para mag-lunchbreak.
"Palagi akong walang oras. Noon kasing nabubuhay pa si Uncle Lawrence, ako na ang katulong niya sa halos lahat ng oras sa company." Pinunasan nito ng table napkin ang bibig. "High school pa lang ako ay nagti-training na ako, uma-attend na ako ng mga executive meetings, at nakikipag-deal na ako sa mga maliliit na transactions. Tapos after I graduated in college sa U.S
