"F*ck!" Napamura si Ethan pagkatapos niyang mabasa ang mensahe mula kay Lala, na alam niyang mga kidnapper ang gumawa at nagpadala.
Bumabiyahe na sila ni Zoe ngayon pabalik ng Manila para puntahan sina Lala at Ethan Luis pagkatapos nilang makatanggap ng tawag mula sa mga kidnapper diumano ng bata. Samantalang hinihintay naman nila ang tawag ni Nicolo para kumpirmahin ang lokasyon ng dalawa. Dahil naniniwala si Ethan na nasa ibang lugar ang mag-ina.
Palihim lang ang ginawa nilang pagkontak kay Nicolo. Dahil nagbabala ang kidnapper na kapag humingi raw sila ng tulong sa mga pulis ay bangkay na ng dalawa ang aabutan nila. Huwag daw silang magtangka at bantay-sarado ang mga kilos nila.
Kaya nga alerto siya sa buong biyahe. Bawat sasakyan na dumidikit sa kanila ay pinapakiramdaman niya. L
