HINDI na natatakot umuwi si Rachell nang kasama niya si Zardum. Tahimik ang bahay nila pero magulo. Parang may dumaang bagyo sa kabahayan. Kahit magbabanyo siya ay nagpapasama siya sa kanyang asawa. Pakiramdam kasi niya ay biglang may susugod sa kanya kapag nag-iisa siya.
Pinagtulungan nila ni Zardum na iligpit ang mga gamit nila na dadalhin sa Bataan. May sariling lalagyan ang damit at iba pang gamit ng baby.
“Mahal ko, paano malalaman kung babae o lalaki ang anak natin?” tanong ni Zardum, habang tinutupi ang mga damit nito. Nakasalampak silang dalawa sa kama.
“Dahil moderno na ang teknolohiya, makikita na ang kasarian ng baby kahit sa sinampupunan pa lang. Tinitingnan sa ultrasound,” aniya.
“Dapat pala magpatingin ka na. Gusto ko nang malaman kung ano ang kasarian ng anak natin.”
“H
