PUMIKSI si Rachell nang maalimpungatan siya. Nang mag-angat siya ng mukha ay bigla siyang nahilo. Mabilis ang t***k ng puso niya. Nang mahimasmasan ay napanatag ang loob niya nang matanto na nanaginip lamang pala siya. Kinapa niya ang kanyang puson.
“God! Ang sama naman ng panaginip na iyon,” aniya.
Ramdam pa rin niya ang kaba dahil sa masamang panaginip na iyon. Inayos niya ang kanyang mga gamit at inihanda ang sarili sa pag-uwi.
Nag-uuwian na ang mga empleyado pero hindi pa rin bumabalik si Renzo. Nahihiya naman siyang tawagan ito para tanungin kung anong oras ito uuwi. Pakiramdam niya wala pa rin siyang karapatan na magtanong. Kung hindi nga lang niya kinompya ang numero nito sa calling card ay hindi niya malalaman ang cellphone number nito.
Naghintay pa ng isang oras sa opisina si
