Kabanata 105
Sa hapagkainan ay pinaramdam naman kay Marikit ng mga magulang ni Conran na tanggap na talaga siya ng mga ito. Lalo na ang Mama ni Conran na paulit-ulit na humihingi ng tawad sa mga salitang binitawan nito sa kanya.
Halatang nakokonsensya ito sa mga salitang binitawan nito sa kanya kanina kasi sobra-sobra nga naman yung mga salita ng iyon. Tagos hanggang buto kung talagang didibdibin.
Pero syempre alam naman niya na hindi nito iyon alam, dahil naniniwala ito sa mga sinabi ng kanyang Tita Emma.
Ang Papa naman ni Conran, hindi naman ito nangialam kanina noong puro salita ng salita ang Mama ni Conran sa kanya. Minabuti nito na bumalik na lamang sa kusina para siguro makaiwas.
Ang kanya namang mahal na asawa ay mababakas ang kasiyahan sa mukha nito dahil sa magkasundo na
