Point of view
- Mikaela Sandoval -
Sa harap ng isang malawak na salamin, nakangiti ang aking labi habang minamasdan ang magandang mukha sa reflection nito. Isang pink na kulay ang huling nilagay ni Patty sa aking labi, saka sabay kaming tumingin muli sa salamin.
"Ayan, ang ganda!" wika ni Patty habang bahagyang nakataas ang kamay na may hawak na pang-makeup.
Nagpresinta kasi siya na mag-ayos ng aking mukha at nagustuhan ko naman ang kinalabasan nito, samahan pa ng kinulot na buhok na siya rin ang gumawa.
Marunong naman akong mag-ayos ng sarili ngunit nais ko lang din magpa-ayos kay Patty, dahil pakiramdam ko, sa ganitong paraan, mas nagiging malapit kami sa isa't isa.
"Oo nga, ang ganda," tugon ko saka ngumiti.
"Pagkatapos mong magbihis bumaba ka na, ha?" ma-otoridad na utos ni Pat
