Point of view
- Joseph Lee -
Halos hindi ako makatulog sa isang kama na nasa loob ng private room ni Emma. Tila naipikit ko lang ang aking mga mata, ngunit ang aking diwa ay patuloy pa rin sa mga bagay na aking iniisip.
Sino ba ang makapagpapahinga sa ganitong sitwasyon? Sino ba ang makapag-iisip nang tama sa mga ganitong bagay.
Malapit nang sumapit ang umaga at ang aking katawan ay pagod na pagod na.
Marahan akong tumayo sa aking higaan, saka tahimik na naglakad patungo sa kinaroroonan ng kama ni Emma.
Pinatong ko ang aking palad sa kanyang kamay saka ngumiti nang kaunti.
Maya-maya lang, napalingon ako sa pinto nang marinig ko ang pagbukas nito.
Niluwa ng pintuang iyon ang doktor na nagbabantay sa aking asawa.
"Sir, maaari nyo na pong bisitahin ang bata," saad niya sa akin.
Ang
