TATLONG araw na palaging nasa labas si Terrence kaya malayang kumilos sa opisina si Elise. Hinahati niya ang oras, sa hapon ay nasa warehouse siya. Hindi naman masyadong marami ang paperwork kaya pumayag si Terrence na maglagi siya sa warehouse.
Biyernes ng gabi ay mag-isang naghapunan ang dalaga. Hinintay pa niya si Terrence hanggang alas-otso kaso hindi dumating. Maaga pa siya sa orphanage kinabukasan kaya natulog siya isang oras pagkatapos ng hapunan. Kaso alas-kuwatro ng umaga ay gising na siya.
Hirap na siyang makatulog ulit kaya lumabas siya ng kuwarto. Hindi niya namalayan kung anong oras nakauwi si Terrence. Naroon na sa garahe ang kotse nito. Iniwan niya’ng hindi naka-lock ang main door baka kasi hindi nagdala ng susi si Terrence.
Nang tingnan niya ang pinto, hindi pa rin it
