Lucy
"Pansin ko kanina ka pa titig nang titig kay Ali, may problema ba?" Nabalik ako sa realidad matapos marinig ang bulong ni Erycha. Sinubo ko ang isang piraso ng ubas sa bibig ko't nginuya 'yon.
"Wala naman, nagagandahan lang ako sa kaniya." Mukhang narinig ata ni Ali ang sinabi ko kaya napalingon siya sa akin. Nahihiya pa siyang yumuko saka nginitian ako ng alanganin.
Ganoon ba ang tipo ni Azriel? Isang Maria Clara?
Narito kami ngayon sa isang lugar na nagsisilbing kainan nila. Mas malaki lang ito kumpara sa simpleng cafeteria ng school ko. Hindi lang 'yon, nakakapagtaka rin ang mga pagkain nila rito. Halos lahat ng nakikita ko'y mga prutas at bulaklak. May iilan akong nakikitang karne, pero hin
