FAYE
Natapos ang exam ko sa ilang subject, pero hindi muna ako umuwi dahil nakiusap ako sa dalawang professor ko na payagan akong kumuha ng special exam ngayon. Pumayag naman sila at hindi nagtanong sa akin kung bakit hindi ako pumasok kahapon.
Ayaw ko sanang magpanggap na bingi sa harap ng mga professor ko, pero dahil sumama sa akin si Brando at hindi siya umalis sa tabi ko kahit sinabi kong lumabas na siya at iwanan ako, hindi siya nakinig sa akin.
Talagang ginawa niya ang sinabi ni Sir Adi na huwag akong mawala sa kaniyang paningin. Kasama ko siya sa loob ng silid at nakaupo sa sulok hanggang natapos ko ang pagsusulit.
Nag-angat siya ng kamay at nagbigay ng senyales gamit ang daliri bilang tanong kung okay lang ba ako.
Ang totoo, masakit ang ulo ko ngayon at bahagyang nahihilo. Buk
