FAYE
Mabilis lumipas ang araw. May kalakihan na rin ang aking tiyan at visible na rin ang pagbubuntis ko. Hindi muna ako nag-enrol ngayong semester dahil gusto ni Sir Adi na magpahinga muna ako dito sa bahay.
Iba rin kasi ang pressure sa pag-aaral. Triplets ang pinagbubuntis ko, kaya mas lalong nag-iingat ang asawa ko. Overprotective na nga si Sir Adi, at kahit pagpunta ko sa ibabang palapag kung saan nakatira ngayon sina Papa, ay kailangan pa akong samahan ni Armida.
Nakalabas na kasi ng ospital sina Papa, pero dahil kahit nakauwi na siya, ay kailangan pa rin niyang ituloy ang therapy, kaya hindi muna sila umuwi sa isla.
Ang sabi ni Mommy ay dito na lang daw sina Mama tumira para naman malapit lang sila at kahit anong oras ay puwede kaming magkita, pero mas gusto pa rin ni Mama ang bu
