KASALUKUYANG nasa bubong ng kanilang bahay si Mara. Nagpapalipad siya ng drone. Sinusubukan niya ang range ng paglipad at kung epektibo ba ang pagpapalit niya ng pyesa.
So far, satisfied siya. Umabot ang drone hanggang sa bakanteng lote na may kalahating kilometro ang distansya. Nag-e-enjoy siyang makita ang kabuuan ng subdivision.At hindi rin niya mapigilan ngumiti na makita ang mga batang kumakaway at namamangha nang madaanan ng drone.
Kabilang din sa nadaanan ng drone ay ang dalawang matandang mag-asawa na nasa kabilang kanto lang ang bahay at madalas niyang pinupuntahan dahil hinihiraman niya ng libro. Lagi siyang na-i-stranded kapag pumupunta doon dahil kinakailangan muna niyang makinig sa love story ng mga ito. Hindi maman problema iyon sa kanya dahil natutuwa siyang makinig at is
