NAKUMBINSI ni Farah si Derek na samahan siya sa pagpunta sa kanilang bahay para kunin ang mahahalaga niyang gamit. Kasama naman nila si Elias. Ito rin ang piloto nito. Dahil si Derek ang masusunod sa grupo nila, wala siyang magawa kundi sundin kung ano ang gusto nito.
Alas-singko na ng hapon sila nakarating sa bahay nila dahil inuna nila ang pag-rescue sa mga taong na-trap sa maliliit na isla. Hindi pa sila nakapasok dahil naaamoy ng mga kasama niya na may mga halimaw nang nakatira sa bahay nila. Malapit na ring lumubog ang araw.
“We need to kill the monsters inside first before we proceed,” sabi ni Elias.
“He’s right. Baka maraming na mga halimaw na narito sa bahay ninyo,” sang-ayon naman ni Derek.
“Okay,” sagot lang niya.
Naunang pumasok si Derek, sumunod siya at nahuhuli si Elias.
