SAVANNA’S POV
MATAPOS na suotin ni Ricca ang napili naming wig na light reddish blonde na kakulay ng buhok ko ay napangiti ako dito.
“You looked different. Okay na ‘to. Bagay sa’yo dahil maputi ka," wika ko sa kaniya.
“How about her dress? Hindi ba dapat maganda siyang tingnan kung magkita sila ni Aldrich?” tanong na wika ni Lyla.
Nagpumilit sumama sa amin si Lyla kaya napalitan ang kapatid niyang si Yazy na magbantay ng coffee shop lalo na’t may dalawang bagong staff ito kaya kailangan ng may magbabantay sa kanila.
“Hindi naman siguro blind date ang pupuntahan ni Ricca. Makikipag-usap lang naman si Aldrich para matapos na ang problema naming dalawa. Okay?"
“Tama naman po siya, Ate Lyla. Saka... wala na rin po kaming budget para d’yan. May maayos na damit naman ako sa boarding house
