CHAPTER 39
TUMINDIG si Thantos sa trono niya at ngiting humiyaw sa arena nang dahil sa nakamit niyang tagumpay.
“May malaking celebrasyon tayong gaganapin ngayong gabi dahil buo na ang itim na kapangyarihan. At dahil d’yan ay malugod kong ipakilala sa inyo ang espesyal na bisita natin na si Heron,” wika ni Thanatos pagkuwan ay binuklad niya ang kaniyang kamay upang ilahad dito ang presensya ni Heron na naglalakad sa gitna ng arena.
“Siya ang magiting na lalaban ngayon dito. Handa na ba kayo?” sigaw ni Thanatos kaya humiyaw nang malakas ang mga manunuod dahil sa tuwa at tagumpay.
Napalunok ng laway si Miya habang pinapanuod si Heron sa arena. Hindi na kinaya ng kaniyang mata na pigilan ang luha niya kaya umagos na ito. Ilang sandali pa ay nagtama ang paningin nila sa isa’t isa dahilan
