HINDI makaalis si Maya habang nasa trabaho. May isang oras na kasi ang nakalipas at hindi pa nakabalik sina Yoshin at Chase sa bar. Lumabas ang mga ito at sinundan ang target na mga mafia.
Nang makapag-break ay lumabas siya ng bar. Tahimik naman doon, wala ang kotse ni Yoshin sa garahe. Sinubukan niya itong tawagan ngunit hindi sumasagot kahit sa mensahe. Maging si Chase ay walang sagot.
Mayamaya ay namataan niya si Marlon na kararating lulan ng motorsiklo. Dagli niya itong nilapitan.
“Kuya Marlon, alam mo ba kung saan nagpunta sina Yoshin at Chase? Narito sila kanina pero umalis din at sinundan ang mga mafia’ng bisita namin,” aniya.
“Huhulihin nila ang mga mafia. Pinapunta ako rito ni Boss Yoshin para bantayan ka,” sabi nito.
“Teka, ano ba ang nangyayari?” balisang tanong niya.
“Na
