HININTAY ni Maya na makapuwesto sa hapag si Yoshin bago hinatid ang pagkain nito. Hindi niya ito kinibo. Bumalik kaagad siya sa kusina at nagligpit ng kalat. Kumain na rin siya pagkatapos.
Habang kumakain ay nag-iisip na siya ng kabalbalan. Kung hindi siya dediskarte ay hindi siya makauuwi ng Pilipinas. Pakiramdam niya ay sinasadya ni Yoshin na ipitin ang sahod niya para hindi siya makaalis. Na-trauma na siya sa unang amo n’ya noon sa Dubai, kung kailan first time niya nag-abroad. Puro trabaho lang siya at walang sahod, hindi pa siya makaalis ng bahay.
Natigilan siya nang may maalala. Naisip niya ang gamot na binigay sa kan’ya ni Wallace. Pilya siyang ngumiti saka lumabas ng kusina. Hinintay niyang naka-focus sa pagkain nito si Yoshin bago dumaan sa tapat nito. Pumasok siya ng kuwarto at
