NAPASARAP ang tulog ni Maya at paggising niya’y alas-dos na ng hapon. May naramdaman siyang mabigat at matigas na bagay sa kan’yang paa. Napabalikwas siya nang gupuin siya ng kaba. Akala niya’y naikadena na naman ni Yoshin ang paa niya.
Napawi ang kan’yang kaba nang mapansing bag lang pala niya ang nakadagan sa kan’yang paa. Sumabit pa ang sling nito sa kaliwang paa niya. Kinuha niya ang bag at napansing nakabukas ito. Hinalughog niya ito at nawawala ang kan’yang cellphone!
“Nasaan na ‘yon?” balisang tanong niya sa kawalan.
Bumaba na siya ng kama at sinuyod ang kuwarto ngunit wala siyang makitang gadget. Wala rin sa lamesa ang laptop at ibang devices ni Yoshin. Lumabas siya ng kuwarto at ginulantang siya ng presensiya ng babae pero mukhang lalaki, isang tibo pala.
“Good afternoon, ma’a
