ISANG buwan pa ang lumipas. Binalikan ni Maya ang bar na pag-aari ng taong target ni Vladimir, at pinamanmanan sa kan’ya. Positibong may bentahan din ng ilegal na droga sa nasabing bar at siya mismo ang nakasaksi. May gig sila roon ng banda ni Patrick. Binigyan naman siya ni Vladimir ng spy devices na madaling gamitin at hindi obvious katulad ng relo at lenses.
Nakipagkita siya kay Vladimir ng Sabado ng gabi sa bar na pinagtatrabahuhan niya. Tuwang-tuwa siya nang ibigay nito ang dagdag na twenty thousand bilang bayad sa serbisyo niya. Dagdag niya iyon para matubos ang relo dahil iyong paunang bayad ni Vladimir ay nabawasan niya. Nagpadala kasi siya para sa enrollment ni Boyet at dagdag gamot ng nanay niya.
“May bad news ako,” sabi ni Vladimir. Nakaupo ito sa harap ng bar counter.
“Ano’n
