NAILANG si Isabel sa akin matapos kong sabihin iyon pero sinabi niya sa akin na hindi niya kailanman gagawin ang iniisip ko. Nagkibit-balikat lang ako at nilagpasan na siya. Matapos niyon napapansin ko na iniiwasan niya na magkasalubong kaming dalawa.
Dahil hininto ang pag-train sa akin, tuwing weekends ay nakukuha ko ng asikasuhin si Philip at si Luke. Sabado ngayon pero wala si Philip dahil ulit sa trabaho. Nasa sala kami ni Ate Loida. Nagbabantay kay Luke na gumagapang pabalik-balik sa amin.
"My god! My feet are aching!"
Napalingon ako sa main door habang niyayakap si Luke na gumapang patungo sa akin. Pumasok si Marinel habang nakalagay pa sa braso niya ang dalawang paper bag galing sa sikat na fashion brand.
"Hindi ka po kasi natapos sa kakaikot."
Narinig ko ang tawa ni Isabel na
