Marahang inugoy ko ang duyang kinauupuan. Tahimik na nakamasid lamang ako sa malawak na bakuran ng bahay ni Indigo. Kagabi, pagkatapos ng nasaksihan ko'y kaagad akong dinala ni Indigo rito. Nagulat pa nga si Trip nang makita ako pagkapasok namin ni Indigo.
Saglit lang kaming nagkumustahan, pagkatapos ay nagpahinga na rin ako. Masyadong maraming nangyari sa araw na iyon. Tanging paghiga at pagtulog lamang ang magiging paraan para gumaan ang aking pakiramdam.
"Good morning."
Umangat ang tingin ko kay Trip. Seryoso itong nakatingin sa kawalan habang may hawak na tasa. Umuusok pa roon ang mainit na kape.
"Good morning..." pagbati ko pabalik.
I saw him smirked. Maya-maya lamang ay pinaayos niya ako ng upo para makaupo siya sa aking tabi. Malaki naman ang duyan, kasya ang tatlong tao.
