GANOON na lang ang kabang naramdaman ni Sky Jewel nang manaig sa isip niya ang pinakahuling posibleng gawin ni Reese. At iyon ay ang manlaban sa mga awtoridad na posibleng ikapahamak nito.
Kapagkuwan ay lumuhod siya sa harapan ng mga anak at parehong sinapo ang mukha ng mga ito. “Dito lang muna kayo, baby, ha? Lalabas lang sandali si Mommy para sunduin si Daddy Reese,” malambing na wika niya rito sa tonong nagpapaunawa.
Mabilis namang tumango ang dalawang bata at tila natuwa pa nang marinig na susuduin niya ang ama ng mga ito, lalo na si Cassandra. Bagaman at nakitaan niya ng pag-aalala si Casper.
“Take care, Mom. Bad guys,” sabi nito sa kaniya na ang ibig sabihin ay mag-ingat daw siya sa bad guys. Mahigpit na yumakap sa kaniya ang panganay sa kambal. “Take care… Daddy Reese,” dagdag p
