HINDI magawang kausapin ni Annie si Vladimir nang lulan na sila ng kotse. Nawiwindang pa rin ang pagkatao niya at hindi malamang kung paano matanggap ng sistema ang natuklasan na dark side ng kaniyang pamilya.
“Annie, are you okay?” usisa ni Vladimir.
Nakailang tanong na ito sa kaniya ngunit hindi niya masagot-sagot. Patuloy na lumalaya ang maninipis niyang luha. Kumislot siya nang hawakan ni Vladimir ang kaniyang kaliwang kamay. Napatitig siya rito.
“Sorry, hindi ko lang lubos maisip ang nangyari sa pamilya ko,” gumaralgal ang tinig na wika niya.
“May inamin na ba sa ‘yo si Jake?”
Tumango siya. “He really did kill Ace Sorrentino.”
“But why? Anong dahilan?”
“Dahil sa marriaged agreement na itinuloy ni Daddy sa pamilya ni Ace.”
“What do you mean by that?”
“Ikinasal daw ako kay Ace.
