HALOS isang oras ding nagtampisaw sa tubig ang mag-asawa. Nagyaya na si Annie na umahon at gusto na niyang puntahan ang coffee farm. Iniwan na nila si Dwayne at mga anak nito sa villa. Naroon naman si Nanay Lori na nagbabantay sa bunso ni Ingrid. May isang kawaksi pa silang kasama na nagluto ng tanghalian.
Si Ingrid lang ang sumama sa kanila na atat ding makaranas mag-harvest ng kape. Dahil malayo pa ang mismong farm, sumakay sila ng kotse. Nadaanan nila ang warehouse ng kape at pabrika kung saan ito pinuproseso.
Nang buksan niya ang bintana ay napasinghot siya. Nanuot sa kaniyang ilong ang aroma ng kape na tinutusta at ginigiling. Lalo tuloy siyang nasabik kaya inapura niya si Vladimir na ihinto ang kotse.
“Excited ka masyado, Ann. Hindi mawawala ang puno ng kape,” ani Vladimir.
“Huw
