PAPASOK na sa tanggapan ng OPD si Annie nang maisip niya si Alejandro. Nakabuntot lang ito sa kaniya, tahimik pero nagmamasid.
“Nag-lunch ka na ba, Ale?” tanong niya sa binata.
“Yes. Nagpabili ako sa agent ko ng food sa labas,” tugon nito.
“Sorry, hindi kita naatupag kanina. Dapat sumabay ka sa lunch ko kanina.”
“It’s okay.”
“See you later. You can sleep on the bench to kill time,” aniya.
“I’m fine here.” Umupo lang sa bench si Alejandro kahanay ng pasyente.
Pumasok na siya sa tanggapan at sinimulang magpapasok ng pasyente.
Pagsapit naman ng gabi ay inabot ng alas-diyes sa clinic si Annie. Nasa labas lang ng tanggapan niya si Alejandro at nakatulog sa may bench sa gilid ng hallway. Ginising lang niya ito nang pauwi na sila.
Ibang-iba ang vibes sa kaniya ni Alejandro. Sobrang payap
