Lingid sa kaalaman ni Belle ay napapadalas na ang pagkikita ni Clifford at ng makakasama nito sa trabaho na si Kelly. Ginawang rason ni Clifford ang trabaho nila para makipagkita kay Kelly, dapat daw ay palagay na sila sa isa't isa para hindi sila naiilang pagdating sa pictorial. Bukod pa sa sinabi ng photographer sa initial photoshoot nito na may 'chemistry' daw silang dalawa, dapat din ay kilala nila ang isa't isa para magandang lumabas ang mga pictures nito.
Madalas yayain ni Clifford ng dinner si Kelly, matapos ay yayayain niya itong mamasyal sa baywalk o mga lugar na makakausap niya ito ng tahimik habang sila ay namamasyal.
Dahil hindi purong Pilipino, hindi niya kinagisnan o ipinamulat sa kanya ang kaugaliang palipasin o hintayin munang makapag-paibis luksa ang asawa bago mo balaki
